Descripción de la oferta
Se precisa incorporar un profesional da psicoloxía para atender ás persoas que participan nos proxectos da nosa entidade, traballando na detección e avaliación de situacións de vulnerabilidade e necesidades específicas de cada persoa. As funcións inclúen o deseño e dinamización de actividades grupais, a promoción da saúde mental e a intervención en crises, así como a mediación en conflitos. Tamén se realizarán derivacións a recursos especializados e acompañamentos a administracións cando sexa necesario acreditar determinadas situacións.
Elaboraranse informes psicolóxicos de uso interno ou para distintas administracións, e realizarase o seguimento e coordinación co equipo de traballo, con persoal doutras entidades e organismos públicos. Así mesmo, participará na elaboración de memorias, propostas de mellora e na xestión administrativa dos proxectos, garantindo o cumprimento dos requisitos legais e documentais. Tamén se apoiará e acompañará ás persoas en prácticas e voluntariado da entidade, favorecendo un coñecemento actualizado da realidade psicolóxica da migración e outras situacións de vulnerabilidade.
O contrato ofrécese en modalidade de prácticas, cunha remuneración bruta anual de entre 24.001 e 30.000 euros, en Santiago de Compostela.
